Embedded Files
As prácticas son parte inseparable dos currículos dos ciclos impartidos neste centro. Supoñen, xunto ás clases teóricas de aula, o contido de cada módulo.
CURSO 2024/25
Na sección do Histórico podes consultar as prácticas , saidas e visitas formativas realizadas noutros anos.
Viaxe de prácticas ao Xurés , cos alumnos de primeiro curso de Ciclo Medio en Aproveitamento e Conservación do Medio Natural e os de primeiro curso do Ciclo Superior de Xestión Forestal e do Medio Natural.
Os alumnos de primeiro curso de Ciclo Medio en Aproveitamento e Conservación do Medio Natural e os de primeiro curso do Ciclo Superior de Xestión Forestal e do Medio Natural fixeron unha viaxe de prácticas acompañados polos profesores Fátima Fernández, Pedro Torres, Carmela Alfonso e Pablo Pérez.
O día 9 chegamos pola mañá a Muiños e asistimos á presentación da Guía das libélulas e libeliñas do Parque Natural Baixa Limia - Serra do Xurés, cos autores da mesma (Adolfo Cordero-Rivera, Martiño Cabana e Anxos Romeo) e seguidamente fíxose unha plantación nas proximidades do albergue onde se pasaron as dúas noites seguintes.
Despois de comer na área recreativa de Prado, fíxose unha plantación cerca da aldea de Salgueiro con planta orixinaria do Parque Natural e cuidada e preparada no viveiro en Lourizán (Quercus pyrenaica, Betula celtiberica, Sorbus aucuparia). Unha vez rematada a plantación, seguimos ata a aldea de Salgueiro para facer unha visita etnográfica.
O día 10, xoves, saímos dende o albergue en Muiños acompañados por Luis, capataz do Parque Natural, para subir ata os picos de Fontefría e Gralleiras, e vimos fauna e flora típicas ou endémicas desta serra. Chegamos a ver cabra procedente da reintrodución da especie nesta serra, e aguia real.
O venres 11, último día da viaxe e tamén acompañados por Luis, visitamos a zona de Lobios, ata a fronteira na Portela do Home, a Corga da Fecha, e deunos tempo antes de comer facer un baño termal nas termas de Lobios.
despois de comer no albergue, iniciamos viaxe de volta a Lourizán.
SAÍDA RÍO LÉREZ SEMAN FORESTAL.
Os alumnos de 1º do Ciclo Medio por mor da Seman Forestal 2005 organizada pola
Universidade de Vigo, asistimos a unha ruta medioambiental guiada polo río Lérez co
axente Ambiental Gonzalo Gamallo, puidemos ver e disfrutar deste espazo de gran
valor ecolóxico de primeira man e obserbar e discutir a importancia dos diferentes
factores que influen no cauce fluvial.
Viaxe de prácticas a Ordesa.
Dende o día 23 ata o 28 de marzo, os alumn@s de Segundo de Ciclo Superior de Xestión Forestal e Conservación do Medio Natural acompañad@s polos profesores Pedro Torres e Pablo Pérez, fixeron un viaxe de formación á provincia de Huesca, visitando varias localidades e espazos naturais. Foi imprescindible a axuda prestada polo IFA de Jaca, que proporcionou loxística e aloxamento nas súas instalacións.
O día 23 de marzo, domingo, saímos de Lourizán ás 9:30 da mañá, e visitamos na parada para comer Carrión de los Condes, despois xa pola tarde chegamos a Burgos onde ademais de achegarnos á Catedral, visitamos o casco histórico.
O día 24, retomamos a viaxe cara Jaca. Á unha da tarde chegamos a Santa Cruz de la Serós, onde nos agardaba Alejandro Herce, do IFA de Jaca, que nos explicou todo o relacionado con San Juan de la Peña (Paisaxe Protexido) dende o punto de vista artístico e monumental, ademais de contarnos as lendas do lugar e amosarnos endemismos botánicos como a "Oreja de Oso - Ramonda myconi", a "Corona de rey - Saxifraga longifolia" e a Petrocoptis hispanica que medra nas paredes próximas ao antigo mosteiro.
Como curiosidade as chemineas tradicionais da zona chamadas chamineras ou espanta brujas. E xa na zona do mosterio novo, na parte alta, os grandes exemplares de Quercus cerioides. Visitamos o Mosteiro e fixemos unha pequena ruta ata o Balcón del Pirineo acompañados por Alejandro, e xa pola tarde visitamos Jaca e fomos ben recibidos no IFA.
Na mañá do 25 de marzo, visitamos xunto cos profesores Amparo e Rubén, o arboreto do IFA de Jaca, o lugar onde conservan distintos exemplares de especies do Pirineo disecados, o teleférico para saca de madeira e a granxa cinexética onde crían perdiz vermella, perdiz pardilla e faisán. Tamén con Raúl visitamos o río Aragón, que discorre próximo ao centro, onde nos facilitou unha copia do Plan anual de aproveitamento no río e fotos do voo americano e do último para comprobar non só a variación no río, se non tamén na ribeira.
Pola tarde visitamos o Mosteiro de Siresa e no valle de Hecho fixemos a senda da vía romana. Despois achegámonos ata a Selva de Oza.
O 26 de marzo foi un día adicado á visita e goce do Parque Nacional de Ordesa y Monte Perdido, previamente visitamos a Cascada de Sorrosal, en Broto, e o centro de atención ao visitante en Torla do Parque Nacional.
No Parque Nacional fixemos un tramo da ruta de La Cola del Caballo ata chegar ás Gradas de Soaso, atopamos bastante neve no tramo final.
O 27 acompañados por Alejandro, vsitamos a Finca La Garcipollera, dependente do CITA Aragón (Centro de Investigación y Tecnología Agroalimentaria de Aragón), onde se traballa en distintos proxectos de sanidade animal, hortofroticultura, ecoloxía, e conservación e mellora de dúas razas de bobino: a Parda de Montaña e a raza Pirenaica, e en ovino: a Churra tensina e a Antosana (estas últimas en perigo de extinción). Tamén nesta finca conservan froiteiras autóctonas de montaña e traballan en proxectos de nutrición animal. As vacas rotan entre a finca e os pastos de montaña contando cunhas 5000 Ha de aproveitamento.
Ás 12:00 tiñamos unha cita no centro A Lurte (Centro pirenaico de referencia para la gestión de riesgos de montaña) en Canfranc Estación, onde nos amosaron, tras un video coa restauración e as obras de correción dos distintos barrancos para o control de aludes, a exposición no centro de interpretación. Neste lugar hai abundante información sobre a repercusión da neve, o seu manexo preventivo e emítense boletíns sobre o risco de aludes. Visitamos a continuación a Estación de Canfranc, restaurada despois de moitos anos en deshuso, e convertida en Hotel. A zona de recepción é un BIC e pode visitarse.
Despois subimos ata a estación de esquí de Astún, e xa de tarde baixamos a Cafranc Estación e fixemos parte da ruta "Paseo de los Melancólicos", quedando a tarde para visitar Jaca e a súa Ciudadela.
O 28 antes de empredermos a viaxe de retorno ao CFEA de Lourizán, procedeuse á plantación do Prunus lusitanica levado dende o CFEA xunto co alumnado do IFA de Jaca. Na viaxe fixemos unha parada en León, e dende alí xa directos a Lourizán.
Foi de gran axuda e estamos moi agradecid@s a todo o personal do IFA de Jaca, en concreto a Alejandro, Chema, Isabel, Rubén, Amparo, Raúl ... e moitos máis, que en todo momento nos fixeron sentir moi cómodos e como se fose a nosa casa.
Visita Formativa á Estación Fitopatolóxica de Areeiro.
O alumnado de 1º de Ciclo Superior foi o 13 de febreiro á Estación Fitopatolóxica de Areeiro.
Na primeira parte da visita, visitou os distintos laboratorios, nos que se lle explicou o traballo que se desenvolve en cada un deles e a importancia dunha toma de mostras ben feita para poder chegar a un bo diagnóstico. A continuación fixo unha visita guiada pola finca, rematando cunha degustación de te Areeiro.
Saída Formativa cos alumnos de 1º de Ciclo Superior para realizar unha Plantación no Monte Xiabre.
O mércores 26 de marzo fixemos unha plantación no monte Xiabre no concello de Vilagarcía en colaboración co Colexio das Filipensas e do Distrito XIX.
Plantaronse 150 árboles de diferentes frondosas do noso viveiro forestal con 20 alumnos do CFEA de 1º de Ciclo Superior, e co persoal do distrito forestal e mais 56 alumnos de 1º ESO do colexio.
Fixeronse grupos de traballos encabezados por un ou dous alumnos e un traballador do distrito que facían a labor de monitor e varios rapaces.
A plantación consistiu nunha faixa de protección da pista que sube hacia o punto limpo de Vilagarcía.
Visita formativa da UDEX, UIFO e UTA ao CFEA de Lourizán
Os Axentes Facultativos Ambientais da UDEX (Xose Bieito Rodríguez, e Manuel Ogando), ademais do da UIFO (Miguel Solla), e personal da UTA (Victor Varela e Óscar González), achegáronse ao CFEA de Lourizán para dar unha charla formativa aos alumnos de ciclo superior.
Fixeron unha demostración cun dron para a investigación de causas dos incendios forestais, e mesmo seguemento en tempo real das queimas prescritas, e así poder facilitar tamén a dirección dos traballos aos Directores de Queima, e o seu estudo e didáctica posterior.
Por outra banda, os membros da UDEX amosaron de xeito práctico o funcionamento do Xeocode Lite e a interación e integración doutras tecnoloxías para a xestión dos medios e a extinción dos incendios forestais.
Agradecer á Dirección Xeral de Defensa do Monte, e en concreto ás persoas que acudiron ao centro, pola disposición amosada e a excelente formación impartida.
Visita de Vixiantes do SPIF do Distrito XIX.
Na mañá do mércores 12 de marzo, Elías Blanco e Raul Crespo, ambos vixiantes do Distrito XIX, impartiron unha charla sobre a vixilancia no SPIF a alumnos de segundo de ciclo medio e ciclo superior, como parte dos módulos de incendios forestais.
Agradecer a excelente formación impartida.
Visita da Escola Universitaria de Enxeñería Forestal de Pontevedra.
Durante a mañá do luns 10 de marzo, Uxío Silva, representante dos alumnos da EUETF de Pontevedra (Universidade de Vigo), e Juan Picos Subdirector da mesma. Impartiron unha charla aos alumnos de ciclo superior sobre o Grao de Enxeñería Forestal que se imparte no Campus de Pontevedra, plan de estudos, saídas laborais e convalidacións para os alumnos procedentes de Ciclo Superior.
Alumnos de segundo de Ciclo Superior de Xestión Forestal e do Medio Natural Visita a estación de captura na presa de Bora no río Lérez.
Alumnos de segundo de ciclo superior de Xestión Forestal e do Medio Natural visitaron o 24 de febreiro, acompañados polo Axente Ambiental Gonzalo Gamallo e os profesores Beatriz López Ramírez e Pablo Pérez Costas, a estación de captura na presa de Bora no río Lérez (Pontevedra).
No lugar puideron comprobar como se regula a escala de peixes a efectos de poder capturar as distintas especies e comprobar así, as dinámicas poboacionais das mesmas.
Por outra banda, o Axente Gonzalo Gamallo, tamén sinalou varias actuacións augas abaixo da presa, desenvolvidas co fin de consolidar as marxes do río de forma natural, e evitar a erosión.
Agradecer ao personal da estación de captura a dispoñibilidade durante a visita e a claridade das explicacións que tamén se prestaron.
Formación teórica e práctica sobre o voo de drons aplicados a fotogrametría e xestión de montes.
Os pasados 24 de xaneiro e 19 de febreiro, personal de Aeromedia impartíu formación teórica e práctica sobre o voo de drons aplicados a fotogrametría e xestión de montes.
Os alumnos de Ciclo Superior de Xestión Forestal e do Medio Natural, divididos en grupos, puideron comprobar as ventaxas que aporta este tipo de tecnoloxía. e que de agora en diante estará dispoñible para os distintos módulos formativos do ciclo.
Agradecer a Aeromedia a gran formación impartida e a fantástica disposición para calquera dúbida ou problema que xurdíu durante a formación.
Visita formativa á Estación Fitopatolóxica de Areeiro.
O alumnado de 1Ciclo Superior fixo unha visita formativa á Estación Fitopatolóxica de Areeiro.
Na primeira parte da visita, coñecemos os distintos laboratorios, onde se nos explicou o traballo que se desenvolve en cada un deles e a importancia de facer unha boa toma de mostras para poder facer un bo diagnóstico. A continuación unha guía acompañounos pola finca, explicándonos a súa historia, investigacións nas que está traballando, vexetación... E, por último puidemos degustar o té Areeiro.
Charlas aos alumnos de Defensa contra Incendios Forestais de 2º de ciclo medio e 2º de ciclo superior.
O técnico do EPRIF de Pontevedra, Ricardo Arines visitou o noso CFEA, e impartiu dúas charlas aos alumnos de Defensa contra Incendios Forestais de 2º de ciclo medio e 2º de ciclo superior.
Falounos do despregue de medios do estado en apoio ás comunidades autónomas e sobre protocolos de seguridade.
Ao remate resolveu as dúbidas dos aumnos.
Estivo acompañado polos profesores Beatriz López Ramírez e Pablo Pérez Costas
Agradecer a disposición plena do EPRIF para esta formación.
Visita a zona do complexo intermareal Umia-O Grove, e á Granxa Escola Roimouro en Poio.
Alumn@s de 2º de Ciclo Medio e 2º de Ciclo Superior, visitaron a zona do complexo intermareal Umia-O Grove, dividindo a visita en varias actividades.
En primeiro lugar, e acompañados por un técnico de "Ventos Estudos Ambientais", procedeuse ao visionado de distintos grupos de aves anátidas, limícolas, etc, na zona do Istmo la Lanzada.
A continuación fíxose unha limpeza de microplásticos e outros lixos xa na zona de San Vicente, para despois subir ao Siradella á Aula da Natureza onde se nos amosou a exposición, os distintos espazos protexidos e mesmo se fixo un taller de modela do de pegadas de aves e mamíferos.
Pola tarde achegáronse á Granxa Escola Roimouro en Poio, onde nos amosaron o seu proxecto de Granxa Escola e puidemos ver aos distintos animais que crían nas súas instalacións .
Charla sobre queimas prescritas aos alumnos de 2º de Ciclo Medio e 2º de Ciclo Superior.
Jose Luis Barros e Félix Pérez, Axentes Forestais do Distrito XVI Deza Tabeirós - Terra de Montes, impartiron unha charla sobre as queimas prescritas, requisitos legais, planificación, condicións de execución e exemplos prácticos, e resolveron as dúbidas plantexadas polos alumnos.
No salón de actos do centro, impartiron esta formación práctica, complementando dende un punto de vista cercano ao territorio e aos usuarios interesados nesta xestión do monte, dado o coñecemento da casuística da zona na que traballan.
Visita o Centro de Coordinación Central do SPIF en Santiago de Compostela.
O 29 de xaneiro de 2025, alumnos dos módulos de Defensa contra Incendios dos cursos de segundo de Ciclo Medio e de Ciclo Superior, visitaron as instalacións do Centro de Coordinación Central do SPIF en Santiago de Compostela. Foron recibidos por Manuel Rodríguez Vázquez, Director Xeral de Defensa do Monte, por Fernando Veiga, Subdirector Xeral de Defensa do Monte e por Gustavo Álvarez Bea, Coordinador de Sistemas e Tecnoloxías de información.
Amosaron as funcións do CCC, e as innovacións tecnolóxicas aplicadas á xestión na extinción de incendios e integración dos distintos medios e sistemas relacionados coa prevención e extinción de incendios forestais.
O noso agradecemento pola boa acollida e excelente explicación.
Saída Formativa cos Alumn@s de 2º de Ciclo Medio e 2º de Ciclo Superior a piscifactoría de Carballedo.
Saida Formativa cos Alumn@s de 2º de Ciclo Medio e 2º de Ciclo Superior a piscifactoría de Carballedo. Onde se traballa para a reproduccion da troita e o salmón.
Nesta saída os alumn@s visitaron todas as instalacións e a finalidade de cada unha delas para alcanzar o obxetivo da piscifactoría.
Moitas grazas pola colaboración do persoal que nos atendeu.
Saída Formativa ao Parque Natural de Corrubedo.
Saída Formativa ao Parque Natural de corrubedo, cos Alumn@s de 2º Ciclo Medio e Ciclo Superior, para o traballo dunha plantación de sobreiras (Quercus suber) en colaboración ca Conselleria de Medio Ambiente.
Para a recuperación duns terreos do parque así como a visita ao Centro de Interpretación e diferentes zonas do parque acompañados por persoal da Conselleria.
Saída Formativa ao Concello de Nigrán ao Parque Forestal Os Matos-Río Táboas.
Saída Formativa no Concello de Nigrán ao parque forestal Os Matos-Río Táboas, cos Alumn@s de 2º de Ciclo Medio e Ciclo Superior.
No que realizamos a eliminación de especies invasoras e plantación de autoctonas, producidos no viveiro da escola do CFEA de lourizan.
Saida formativa de 2º de Ciclo Medio e 2º de Ciclo Superior. Arbo, Vilanova da Cerveira.
Visita con charla co patron de pesqueira de Arbo.
Tamen realizamos unha Visita ao museo do rio Minho, en Vilanova de Cerveira.
Os alumn@s foron acompañados polos profesores dos módulos Xestion Piscícola, e Conservación de especies . Bea Lopez, Pablo Costas, Juan M Mosquera.
Repoboación de Troitas no río Lerez.
Os alumn@s de 2º de Ciclo Medio, executaron unha repoboación de uns 300 exemplares de xuvenil de troita no río Lerez. Acompañados de persoal do servizo de Patrimonio Natural de Medio Ambiente, primeiro explicouselle o porque desta repoboación para máis tarde proceder a realización da mesma.
Saída formativa dos alumn@s de Segundo Ciclo Superior a Fornelos de Montes.
Os alumn@s de segundo ciclo superior realizaron unha saída formativa ao Tecor de Fornelos, dentro dos modulos de Xestión de Incendios e Xestión Cinexética. Acompañados do Enxeñeiro Sergio Suárez, membro da Xunta Directiva, e os profesores Juan M. Mosquera e Pablo Costas, os alumnos puideron observar distintos puntos de prevención de incendios, queimas prescritas, entre outras cuestións que se comentaron. En canto a xestión cinexética os alumnos visitaron un criadeiro de coellos e semiextensivo, distinto biotopos, presenciaron unha demostración de cans de mostra e visitaron un foxo do lobo.
Report abuse